SAKHA.EDUCATIONОфициальный сайтСетевой город. ОбразованиеМинистерство образования и науки РС(Я)

04/12/2020«Идэ барыта туһалаах, идэ барыта наадалаах»

Сэтинньи 28 күнүгэр Сүлэ орто оскуолатыгар «Идэ барыта туһалаах, идэ барыта наадалаах» диэн 8-11 кылаас үөрэнээччилэригэр аналлаах профориентационнай тэрээһин буолан ааста.
Былыр – былыргыттан, күн бүгүҥҥэ диэри өбүгэлэрбит бэргэн этиилэри олохторугар, үлэлэригэр-хамнастарыгар туһаналлар «Киһини үлэ киэргэтэр» эбэтэр «Ким үлэлиир – ол аһыыр, ким үлэлээбэт – ол аһаабат». Үлэ диэн араас буолар, киһи үлэни бэйэтэ талар. Талбыт идэтин баһылаан олоҕун тухары бэриниилээхтик үлэлиир. Идэтин баһылыыр, сайдар, дьоҥҥо туһалаах киһи буолар.
Тэрээһини оскуола психолога Ульяна Валерьевна Попова оҕолорго идэни талыы-олоҕун саамай эппиэтинэстээх түгэнэ буолар диэнтэн саҕалаата. Идэни таларга биэс көрүҥ баарын билиһиннэрдэ, тестирование түмүгүн билиһиннэрдэ.
Бүгүнҥү тэрээһиҥҥэ Сүлэ орто оскуолатыгар араас кэмнэ үөрэнэ сылдьыбыт выпускниктар бэйэлэрин идэлэрин туүунан толору сырдаттылар. Ол курдук, Трофимова Айыына Ньургуновна – «Кэскил» хаьыат корреспондена, Афанасьева Вера Владимировна – «Ромашка» оҕо уһуйаанын иитээччитэ, Николаев Никифор Никифорович- Ньурбатааҕы ис дьыала сааһын ситэ илик оҕолор инспектордара, Семенова Айна Николаевна- Сүлэ нэһилиэгин «Айыы Тайбыт» Культура киинин специалиһа ыалдьыттаатылар.
Выпускниктар кэпсээннэрин, сүбэлэрин истэн баран, оҕолор интэриэһиргиир идэлэригэр сыһыаннаах боппуруос биэрдилэр, сөптөөх хоруйдары ыллылар.
Биллиилээх К.Д.Ушинскай этэн турар: «Өскөтүн сатабыллаахтык үлэҕин таллаххына уонна онно туох баар дууһаҕын уурдаххына, дьол бэйэтэ эйигин көрдөөн булуоҕа»,- диэн. Онон, эрэнэбит, оҕолорбут эппиэтинэстээхтик сыһыаннаһан, өйдөөн-төйдөөн инники олохторун кэскилин – идэлэрин- сөпкө талыахтара диэн.



ПочтаПозвонитьx
08:30 – 19:40, выходной воскресенье

Телефон/факс

+7 (4113) 42-28-77

Неразрешимых проблем не бывает!

Телефон доверия

8 800 2000 122